Cando temos unha idea ou un proxecto que queremos levar á realidade, xorde a gran pregunta: como lle damos forma legal? A día de hoxe existen diferentes fórmulas para constituír unha empresa en Galicia, e cada unha ofrece vantaxes e retos segundo os obxectivos, valores e tamaño do proxecto.
Nesta entada facemos un repaso polas principais formas xurídicas para emprender e poñemos o foco nunha alternativa cada vez máis presente na nosa contorna: as cooperativas.
As principais formas legais para crear unha empresa
1. Persoa autónoma (empresaria individual)
A forma máis sinxela de comezar. Só se precisa o alta no réxime de autónomos e na Axencia Tributaria. É ideal para proxectos unipersoais e con pouco risco inicial. A responsabilidade é ilimitada.
2. Sociedade Limitada (SL)
Unha das formas máis populares para pequenas empresas. Require un capital social mínimo de 3.000 € e permite separar o patrimonio persoal do da empresa. A responsabilidade é limitada ao capital aportado.
3. Sociedade Limitada Unipersoal (SLU)
Semellante á SL, pero con unha soa persoa socia. Require tamén un capital aportado de 3.000 €. Útil para profesionais que queiran maior protección xurídica porque a responsabilidade está limitada ao capital aportado, ou proxectos individuais con proxección.
4. Sociedade Anónima (SA)
Pensada para grandes proxectos ou empresas con moitos investidores. Require un capital mínimo de 60.000 €.
5. Cooperativa
Un modelo democrático, participativo e sostible, no que varias persoas se unen para traballar conxuntamente, compartindo riscos, beneficios e gobernanza. Cada persoa ten voz e voto igualitario, independentemente do capital aportado. Hai cooperativas de traballo, de consumo, de ensino, de servizos… É un modelo perfecto para o autoemprego colectivo.
Por que escoller unha cooperativa?
Porque non todas as empresas teñen que ser tradicionais. Se o que buscas é crear algo con máis sentido, valores compartidos e unha estrutura máis humana, o cooperativismo ofrece unha alternativa sólida e viable.
✔️ É unha fórmula legal recoñecida e con incentivos específicos.
✔️ Permite organizar equipos de traballo baseados na igualdade e corresponsabilidade.
✔️ É máis resiliente en tempos de crise.
✔️ Ten apoio institucional, como o que ofrece EspazoCoop, a Unión de Cooperativas Galegas.
E ti, tes interese en formar unha cooperativa pero non sabes por onde comezar?
Non podes faltar á próxima charla de formación e sensibilización que acolleremos en Espazo A Proa: o venres 11 de xullo ás 10:00h.
🎙 Facilita: Rosa Álvarez, Técnica de EspazoCoop, acompañada dunha socia dunha cooperativa da contorna.
👉 Actividade aberta ao público (non tes que ser coworker)
Que vas atopar nesta sesión?
- Unha exposición divulgativa sobre o cooperativismo e como emprender en colectivo.
- Unha experiencia real en primeira persoa dunha cooperativa en funcionamento.
- Un espazo para resolver dúbidas, inspirarte e conectar con outras persoas con intereses comúns.
🔗 Reserva a túa praza aquí:
👉 espazoaproa.spaces.nexudus.com/events/1415550315/emprendemento-cooperativo
Se estás pensando en emprender, dá o primeiro paso connosco!
En Espazo A Proa, máis que un coworking, é o lugar onde os proxectos toman forma, evolucionan e se conectan. Esta charla é unha oportunidade para coñecer un modelo empresarial que aposta polas persoas, polo territorio e polo ben común.
E ti, coñeces a fórmula? 😉
