O último tramo do ano adoita traer présas e xestións acumuladas. Porén, afrontar o cambio de exercicio con tranquilidade é cuestión de anticipación. Dende o Espazo A Proa (Concello de Ames), deixámosche tres pasos clave para poñer en orde o teu negocio antes de decembro:
1. Auditoría de números
- Resultados reais vs. previstos: Revisa se cumpriches os obxectivos de facturación do ano e detecta que liñas foron máis rendibles.
- Limpeza de custos: Revisa subscricións e gastos recorrentes que xa non utilizas para mellorar a túa marxe neta.
- Control de caixa: Reclama facturas pendentes de cobro e calcula a túa liquidez para arrancar o primeiro trimestre con seguridade.
2. Trámites fiscais e administrativos
- Xustificantes ao día: Asegúrate de que todos os gastos teñan a súa factura regulamentaria e que as series numéricas das túas vendas sexan correlativas.
- Investimentos estratéxicos: Avalía se che convén realizar compras necesarias de material ou software antes do 31 de decembro.
- Preparación de xaneiro: Anticipa o envío de documentación á túa xestoría para os modelos trimestrais e resumos anuais.
3. Foco e prezos para o novo ano
- Metas claras: Fixa obxectivos concretos e medibles, ás tarefas relacionadas con cada un deles e ás métricas co que vas a medilos. (OKRs e KPIs).
- Actualización de prezos: Se os teus custos subiron, o peche de exercicio é o momento natural para axustar prezos e comunicalo á túa clientela.
Dá o seguinte paso en Espazo A Proa
Non tes por que facer este proceso en soidade. Se emprendes, lembra que tes á túa disposición Espazo A Proa.
👉 Pide a túa cita e achégate a coñecer o espazo colaborativo.
